គ្រឿងផ្សំ
- សាច់មាន់ឆ្អិនដែលបេះជាបន្ទះតូចៗចំនួន ៥០០ ក្រាម
- បង្កងឆ្អិនរួច ២ ឬ ៣
- ខ្ទឹមក្រហម ៣ ផ្លែ
- ប្រេងឆាកន្លះស្លាបព្រាកាហ្វេ
- ក្រូចឆ្មា ១ ផ្លែ
- ម្ទេសប្លោក ១ផ្លែ
- ជីអង្កាមស្រស់ហាន់រួចកន្លះពែងកាហ្វេ
- ត្រយូងចេក ១ យកតែផ្នែកខាងក្នុងទន់ៗតែប៉ុណ្ណោះ
វិធីធ្វើទឹកជ្រលក់
- ស្ករត្នោត ១ ស្លាបព្រាបាយ
- ទឹកក្រូចឆ្មា ១ ស្លាបព្រាបាយ
- ទឹកត្រី ២ ស្លាបព្រាបាយ
- ប្រេងល្ងកន្លះស្លាបព្រាកាហ្វេ
- ម្ទេសចិញ្ជ្រាំ ១ គ្រាប់
- អំបិល ១ ភាគ ៥ នៃស្លាបព្រាកាហ្វេ
- សណ្តែកដីលីង ១ ក្តាប់
វិធីធ្វើ
១. ចាក់ប្រេងឆាចូលខ្ទះទុកឲ្យក្តៅ រួចដាក់ខ្ទឹមក្រហមដែលហាន់ជាន្ទះៗចូល ហើយឆាវារយៈពេលប្រហែល ៤ នាទី។ រួចរក្សាវាទុកសិន។២. ហាន់ម្ទេសប្លោក និងត្រយូងចេកជាចំណិតតូចៗ រួចរក្សាវាទុកសិន។
៣. យកគ្រឿងផ្សំធ្វើទឹកជ្រលក់មកលាយចូលគ្នាក្នុងចានកូមធំមួយ កូរវារហូតរលាយស្ករត្នោតអស់។ រូចដាក់សាច់មាន់ និងបង្កងច្របល់ចូលគ្នា។
៤. យកចានគោមមួយដាក់ទឹកត្រជាក់ចូល និងច្របាច់ក្រូចឆ្មាចូល រួចចាប់ផ្តើមស្រង់យកត្រយូងចេកពណ៌ស្វាយទៅបោះចោល។ យកត្រយូងចេកមកត្រួតលើគ្នាហាន់ជាចំណិតតូចៗល្អិតៗ។ ពេលហាន់វារូចប្រញាប់ចាក់ចូលក្នុងចានទឹកក្រូចឆ្មា ដើម្បីឲ្យវារក្សាពណ៌ធម្មជាតិដដែល។ ប្រសិនបើត្រយូកចេកប្រែក្លាយជាពណ៌ខ្មៅ អ្នកអាចបន្ថែមទឹកក្រូចឆ្មាថែមទៀត ហើយកូរវារហូតដល់ឡើងពណ៌ធម្មជាតិវិញ។
៥. ចាក់ទឹកចេញពីត្រយូកចេកចេញឲ្យអស់។ ហើយដាក់ត្រយូកចេក ម្ទេសប្លោក ខ្ទឹមក្រហម និងស្លឹកជីអង្កាមច្របល់ជាមួយសាច់មាន់ ព្រំមទាំងបង្កងចូលគ្នា។
៦. សាកល្បងភ្លក់រសជាតិវាបើល្មមហើយ សូមដាក់សណ្តែកដី និងស្លឹកជីអង្កាមបន្ថែមពីលើត ដើម្បីឲ្យកាន់តែមានឱជារស។
ប្រភពៈ chanbokeo
No comments:
Post a Comment