គ្រឿងផ្សំ
- តៅហ៊ូ ២ដុំចិតជាចំណិតរាងវែងកុំតូចពេក
- ប៉េងប៉ោះ ២-៣ផ្លែចិតជាចំណិត
- ម្ទេសចង្អុលមេឃទុំ តាមចំណូលចិត្ត (ម្ទេស ១ផ្លែចិញ្ច្រាំ)
- ខ្ទឹមសចិញ្ច្រាំ កន្លះស្លាបព្រាកាហ្វេ
- ស្ករត្នោត កន្លះស្លាបព្រាកាហ្វេ
- អំបិល ១ចិប
- ប៊ីចេង បន្តិច
- ទឹកត្រី កន្លះស្លាបព្រាកាហ្វេ
- ទឹកស៊ីអ៊ីវ កន្លះស្លាបព្រាកាហ្វេ
- ទឹកប៉េងប៉ោះ កន្លះស្លាបព្រាបាយ
- ស្លឹកខ្ទឹម និងជីវ៉ាន់ស៊ុយហាន់ ១មុខបន្តិច
- ប្រេងឆា
វិធីធ្វើ
១. ដំបូងដាក់ប្រេងឆាចូលក្នុងខ្ទះទុកឲ្យក្តៅ បន្ទាប់មកយកតៅហ៊ូមកដាក់ចៀនឲ្យឆ្អិនក្រៀមឡើងក្រហមរួចហើយដួសទុកដោយឡែកសិន។
២. ចាក់ប្រេងឆាចូលក្នុងខ្ទះបន្តិច ដាក់ខ្ទឹមស និងម្ទេស ២ផ្លែ លីងឲ្យឈ្ងុយ ដាក់ស្ករត្នោតចូលឆាមួយភ្លេត ទើបដាក់ទឹកប៉េងប៉ោះ ទឹកស៊ីអ៊ីវ, ទឹកត្រី, ប៊ីចេង និងអំបិលឆាបន្តិចទៀត។
៣. យកប៉េងប៉ោះដាក់ចូលជាមួយម្ទេសចិញ្ច្រាំឆា២-៣ ត្រឡប់ឲ្យចូលរស់ជាតិ ភ្លក់មើលទៅតាមការចូលចិត្ត។
៤. យកចានសំប៉ែតរៀបតៅហ៊ូ បន្ទាប់មកដួសប៉េងប៉ោះឆាដាក់ពីលើ និងយកស្លឹកខ្ទឹមជាមួយជីវ៉ាន់ស៊ុយរោយពីលើទៀតឲ្យមើលទៅកាន់តែទាក់ទាញ៕
ដោយ៖ សុខឡៃ
No comments:
Post a Comment