គ្រឿងផ្សំ
- សាច់គោ ៤០០ក្រាម ប្រឡាក់ម្សៅស៊ុប ស្ករស ប្រេងខ្យង ១មុខបន្តិច
- ម្ទេសផ្លោកគ្រប់ពណ៌ ១ពណ៌បន្តិចហាន់រាងវែង
- ខ្ទឹមបារាំង ១ផ្លែតូចហាន់ស្តើងល្មម
- ប៉េងប៉ោះ ១ផ្លែ ហាន់តូចល្មម
- គល់ស្លឹកគ្រៃហាន់ ២គល់
- ជីរណា ៥ដើមហាន់ ២ថ្នាំងដៃ
- ស្លឹកខ្ទឹម ២ដើមហាន់ ២ថ្នាំងដៃ
- សណ្តែកដីលីង ៥-៦ស្លាបព្រាបាយ
- ស្លរស កន្លះស្លាបព្រាបាយ
- ប៊ីចេង ១ស្លាបព្រាកាហ្វេ
- ខ្ទឹមស ៣កំពឹសហាន់រាងស្តើង
- ខ្ទឹមក្រហម ២ដុំហាន់រាងស្តើង
- ម្ទេស តាមចំណូលចិត្តហាន់បញ្ឆិត
- ទឹកក្រូចឆ្មា ១ស្លាបព្រាបាយកន្លះ
- ទឹកត្រីផ្សំគ្រឿង ៤-៦ស្លាបព្រាបាយ
- ខ្ទឹមក្រហមបំពង ២ស្លាបព្រាបាយ
- ជីអង្កាម តាមចំណូលចិត្ត
- ប្រេងឆា ៥ស្លាបព្រាបាយ
វិធីធ្វើ
១. ជាដំបូងត្រូវដាក់ប្រេងឆាចូលក្នុងខ្ទះទុកឱ្យក្តៅ បន្ទាប់មកដាក់សាច់គោចូលចៀនវាឱ្យឆ្អិន ឬមិនសូវឆ្អិនទៅតាមចំណូលចិត្ត។
២. យកសាច់គោដែលបានចៀនរួចមកហាន់រាងស្តើងៗ ឬក៍ដុំទៅតាមចំណូលចិត្ត។
៣. យកចានធំមួយមកដាក់ ម្ទេសផ្លោក, ខ្ទឹមបារាំង, ប៉េងប៉ោះ, គល់ស្លឹកគ្រៃ, ជីរណា, ស្លឹកខ្ទឹម, សាច់គោ, សណ្តែកដី, ស្ករស, ប៊ីចេង, ខ្ទឹមស, ខ្ទឹមក្រហម, ម្ទេស, ទឹក្រូចឆ្មា និងទឹកត្រី។
៤. បន្ទាប់មកច្របល់វាបញ្ចូលគ្នាឲ្យចូលរស់ជាតិ រួចហើយយកជីអង្កាម និងខ្ទឹមក្រហមបំពងដាក់ពីលើពេលដួសដាក់ចានញ៉ាំជាការស្រេច៕
No comments:
Post a Comment