+គ្រឿងផ្សំ
- សាច់គោ ៥០០ក្រាមហាន់តូចៗល្មមមិនបាច់សាច់ផុយក៏បាន ព្រោះស្លរជាមួយម្នាស់
- ម្នាស់ ១ចំហៀងផ្លែតូចចិតជាដុំ
- សណ្តែកគួរ ៥-៧គួរកាត់ ២ថ្នាំងដៃ
- អំពិលទុំ ១ស្លាបព្រាកាហ្វេ
- សណ្តែលដីលីង ២-៣ស្លាបព្រាបាយ(បុក)
- ម្ទេសឆ្អើរ ១ស្លាបព្រាបាយកន្លះ
- ខ្ទិះដូង ១ចាន
- ប្រហុក ២-៣ចង្វា (ចិញ្ច្រាំ)
- ស្ករស កន្លះស្លាបព្រាបាយ
- អំបិល ១ចិប
- ទឹកត្រី កន្លះស្លាបព្រាបាយ
- ប៊ីចេង កន្លះស្លាបព្រាកាហ្វេ
- គ្រឿងបុក ២-៣ស្លាបព្រាបាយ (គល់ស្លឹកគ្រៃ, រមៀត, រំដេង, ខ្ទឹមស, ខ្ទឹមក្រហម, ស្លឹកក្រូចសើច) លាយគ្រឿងការីចូល
+វិធីធ្វើ
១. ដំបូងចាក់ខ្ទិះដូងចូលក្នុងឆ្នាំងពាក់កណ្តាល បន្ទាប់មកដាក់គ្រឿងបុក, ម្ទេសឆ្អើរចិញ្ច្រាំ, ប្រហុក និងសណ្តែកដីលីងកូរច្របល់បញ្ចូលគ្នាឲ្យសព្វ។
២. ដាក់សាច់គោចូលច្របល់ឲ្យចូលជាមួយគ្រឿង បន្ទាប់មកទៀតចាប់ផ្តើមដាក់អំពិលទុំ, ទឹកត្រី, អំបិល, ស្ករស, ប៊ីចេង កូរវារួចហើយទុកឲ្យពុះ។
៣. បន្ថែមខ្ទិះដូងដែលនៅសល់ចូលទុកមួយភ្លេតចាំដាក់ម្នាស់ និងសណ្តែកគួរចូល (ថែមទឹកប្រសិនបើរាងគោក) ទុកឲ្យពុះភ្លក់មើលតាមការចូលចិត្តជាការស្រេច៕
No comments:
Post a Comment